منبر - محمد القرني:  

كتب الشاعر عبد الله بن عوض آل دبيس قصيدة للوطن بمناسبة الذكرى التاسعة والثمانين قال فيها :

بعض المواقف تجذب الشاعر على جر النشيد
وبعض المواقف من غثاها ماحدٍ غنى لها

ياهاجسي قرب تراني طامع بّدع الجديد
ابغى بيوتٍ لانطقت تجمّل اللي قالها

ابغى بيوتٍ للوطن من سمعها يطلب اعيد
فيها كلامٍ مقرحاني والقمم ترقى لها

من بعدها يا موطني يالام يالحضن الفريد
يدوم عزك نايفٍ والنايفه حنا لها

حنا السيوف الشاطرة حنا هل المجد التليد
حنا رجال المعركة والمعركة نسعى لها

ناطا خشوم اهل العدا ونعدل الفكر العنيد
واهل الضعافة عمرنا ما نلتفت لاشكالها

فينا هل العوجا ملوك ورايهم رايٍ سديد
‏فيها الشجاعة والزعامة ماتليق إلا لها

يقودنا سلمان راعي الحزم والعقل الرشيد
من هيبته لاقام قامت دولةٍ برجالها

ومحمد النايب ولي العهد يا نعم العضيد
هو الذرى للشعب والهية تبين ابطالها

حفيد عودٍ صيرميٍّ من هل الفعل المجيد
ياطيب صيته من جنوب الارض لاقصى اشمالها

اقولها وانا هجوسي تبدع بنظم القصيد
والنار من شبابها والخيل من خيالها

وختامها يا موطني يالام يالحضن الفريد
يدوم عزك نايفٍ والنايفه حنا لها